Klubi i Sionit ndodhet në një krizë financiare dhe duke marrë parasysh situatën u ka dërguar një dokument tetë futbollistëve për të pranuar një marrëveshje.
Sipas marrëveshjes, tetë futbollistët, përfshirë Lenjanin dhe Pajtim Kasami do të duhet të vazhdonin me pagë maksimale 12350 franga zvicerane, shifër kjo e vlefshme me atë që jepet nga sigurimet shoqërore kur je i papunë.
Disa lojtarë nuk e kanë pranuar këtë gjë ndërsa të tjerë nuk kanë kthyer përgjigje por klubi ka marrë një vendim.
Presidenti ka vendosur që t’i ndërpresë kontratën 8 lojtarëve, Ermir Lenjani, Pajtim Kasami, Aleks Song, Hvier Kuasi, Sejdu Dumbia, Mikael Façineti, Kristian Zok dhe Birama Ndoje, me pretekstin se klubi nuk mund të përballojë kontratat e tyre.
Në lidhje me këtë veprim të befaasishëm, Shoqata Zvicerane e Futbollistëve është ankuar menjëherë pas vendimit të marrë nga klubi i Sion, teksa kërkohet që të gjendet një zgjidhje e ndërmjetme.
