Numrat e personave të prekur nga koronavirusi në botën e sportit vijojnë të rriten. Mbrëmjen e djeshme Alaves ka njoftuar se 15 raste pozitive janë regjistruar në klub. Të prekur janë futbollistë kombinuar me anëtarë të stafeve teknike dhe punëtorë të klubit iberik.
Theksohet që të gjithë të prekurit gëzojnë shëndet të mirë. “Të gjithë personat e infektuar janë në gjendje të mirë shëndetësore dhe nuk kanë simptoma”, deklarohet në komunikatën e klubit të La Liga.
Nga 15 anëtarët e prekur me COVID-19, tre janë futbollistë të skuadrës së parë. Valencia dhe Espanyol ishin klubet e para iberike që rezultuan me lojtarë me koronavirus, ndërsa listës i shtohet edhe Alaves.
