Tara Jane Langston, 39 vjeç, nëna e dy fëmijëve, është diagnostikuar me sëmundjen me Covid-19 të dielën. Mirëpo, ditën e sotme ajo ka filmuar veten e saj, duke treguar qartë sesa vështirësi ka në frymëmarrje.
Ajo tha për gazeten britanike ‘Dailymail’ se, ndihet sikur të kishte një gotë në mushkëri dhe se çdo frymë është një “betejë”.
“Ndihem sikur kam një gotë në mushkëri, çdo frymë është një “betejë.”– tha ajo.
Me lot në sy ajo shprehet se ndihet shumë keq dhe se kjo është periudha më e vështirë që ka kaluar ndonjëherë. Zonja Langston e bëri videon në Spitalin Hillingdon në perëndim të Londrës, ku është edhe nën kujdesin intensiv të mjekëve. Po ashtu, në video ajo u lutet të gjithëve që ta merrnin seriozisht sëmundjen vdekjeprurëse të COVID-19
Gjendja e saj ishte rënduar, pasi gjatë javës së kaluar fillimisht u diagnostikua me një infeksion në gjoks dhe iu dhanë antibiotikë, të cilën ajo i merrte së bashku me ibuprofen dhe paracetamol.
Zonja Langston, e cila punonte kameriere, beson se medikamenti ibuprofen mund të ketë përkeqësuar virusin.
