Situata e krijuar në vend si pasojë e shpërthimit të koronavirusit dhe masat e marra nga qeveria për parandalimin e saj, jo në pak raste kanë sjellë reagime dhe ndërtimin e projeksioneve të ndryshme.
Pedagogu Taulant Muka në një postim në faqen e tij facebook flet për situatën në vazhdim dhe për numrin në rritje që mund të ketë në Shqipëri të personave të prekur si pasojë e virusit. Sipas Mukës, në 18 prill shqipëria do të dukej një vend që do të kërkone nevojën e ndërhyrjes, vend me pamundësi për të përballuar fluksin e madh të pacientëve të shtruar në infektiv dhe spitale të tjera.
“Si do dukej Shqiperia ne date 18 Prill? Poshte jane projeksionet ne varesi te masave qe do nderrmernim per numrin e personave qe do kerkonin terapi intensive.
- Asnje mase: rreth 22 mije persona
- Vetem mbyllja e universiteteve/shkollave: rreth 12 mije persona
- Zbulim i hershem dhe izolim i rasteve: rreth 6 mije persona
- Zbulim i hershem dhe izolim i raste, + karantine shtepiake: 2695 persona
- Zbulimi i hershëm dhe izolimi i rasteve + karantinë shtëpiake + distancim social i atyre mbi 70: 1070 persona.”
