Misioni shqiptar pranë Bashkimit Europian me seli në Bruksel, njoftoi se qytetarët shqiptarë të cilët janë në Belgjikë dhe gjatë kohës së qëndrimit të tyre u përfundon afati tre mujor i qëndrimit mund të aplikojnë për shtyrjen e kësaj leje.
“Referuar situatës emergjente të krijuar për shkak të pandemisë me COVID-19, qytetarët shqiptarë të cilët janë në Belgjikë dhe gjatë kohës së qëndrimit të tyre u përfundon afati tre mujor i qëndrimit mund të aplikojnë për shtyrjen e kësaj leje në komunat ku qëndrojnë aktualisht me anë të e-maileve të tyre përkatëse”, thuhet në një njoftim për shtyp të Misionit.
Misioni informon se adresat e e-maileve qytetarët mund të gjejnë të afishuara në faqet zyrtare të komunave, ndërkohë që publikon edhe listën e dokumenteve që duhet të përcjellin.
“Qytetarët duhet të përcjellin me email fotokopjen e pasaportës (numri dhe vlefshmëria, të dhënat personale dhe faqet e përdorura), kopje të deklaratës së mbërritjes, letër shpjeguese përse nuk mund të lërë territorin Schengen në datën e parashikuar, sigurimin mjekësor për kohën e qëndrimit të shtyrë, adresën e qëndrimit në Belgjikë si dhe një adresë emaili”, njoftoi Misioni.
Po ashtu informohet se komunat do ju përgjigjen po me e-mail.
Vetëm në raste urgjente, thuhet në njoftim, qytetarët mund të kontaktojnë direkt zyrën e të huajve në e-mailet si vijon:
[email protected] në hollandisht për rezidentët në zonat flamane:
[email protected] në frëngjisht për rezidentet në zonat frankofone.
