Një shtetas shqiptar së bashku me dy shtetas grekë janë vënë në pranga nga policia helene pasi akuzohen për vjedhjen e një shkolle.
Identitetet e të prangosurve nuk bëhen të ditura, por mësohet se janë në moshën 17 deri në 22 vjeç.
Ata akuzohen se kanë vjedhur në ambientet e një shkolle fillore pajisje elektronike me vlerë 4 mijë euro.
Të rinjtë duket se kanë shfrytëzuar mbylljen e shkollës për shkak të situatës së krijuar me koronavirusin.
Sendet e vjedhura iu rikthyen përsëri shkollës, ndërsa tre të rinjtë do të përballen me drejtësinë.
