Në Shqipëri është shënuar viktima e dytë nga koronavirusi.
Pacienti që ka humbur jetën është një 66 vjeçar, i cili ndodhej i shtruar në Infektiv, me frymëmarrje të drejtuar.
Pacienti ka humbur jetën mëngjesin e sotëm.
Lajmi konfirmohet edhe nga Ministria e Shëndetësisë, sipas të cilës, 66 vjeçari nga Lushnja vuante edhe nga sëmundje të tjera.
Gjendja e pacientit u rëndua dhe ai kaloi në terapi intensive, madje me frymëmarrje të drejtuar.
Viktima e dytë nga Covid 19, prej disa ditësh ishte i shtruar te Infektivi, në gjendje të rëndë. Pacienti vuante nga disa sëmundje shoqëruese si insuficenca kardiake, edemë pulmonarë dhe insuficencë renale. Ky pacient ndodhej i shtruar në spitalin Shefqet Ndroqi, ku u infektua nga një i afërm me Covid 19, duke i rënduar gjendjen shëndetësore.
Pak ditë më parë në spitalin e Durrësit ndërroi jetë një 73-vjeçare, e cila kishte ardhur nga Italia. Aktualisht të shtruar në spitalin Infektiv mbeten 24 pacientë, përveç 66-vjeçarit që humbi jetën.
Njoftimi i plotë nga ministria e Shëndetësisë:
Ndërron jetë në spitalin infektiv pacienti 66-vjeçar, kishte komplikacione të rënda
Mëngjesin e sotëm ndërroi jetë pacienti i shtruar në spitalin Infektiv, i konfirmuar me COVID-19, i cili ishte në gjendje të rëndë, në respirim të drejtuar në reanimacion.
66-vjeçari nga Lushnja prej disa ditësh ishte i shtruar në shërbimin Infektiv, në gjendje të rëndë. Pacienti vuante nga disa sëmundje shoqëruese: insuficenca kardiake, edemë pulmonarë dhe insuficencë renale.
