Një 41-vjeçar italian, pozitiv me koronavirus, i është drejtuar me një apel të fortë qytetarëve, për t´u mbrojtur nga Covid 19.
Në një video të postuar, ai tregon se në fillim e ka nënvlerësuar këtë virus, por tani ndodhet në spital me një bombul oksigjeni.
“Po e bëj këtë video sepse ky virusi që ma nxiu jetën, po vazhdon të prekë njerëz të tjerë. Unë punoja si menaxher, kujdesesha për babain tim, kisha hobit e mia.
E kam nënvlerësuar koronavirusin, si shumëkush prej jush, mendoja se është mashtrim, mendoja se bëhej për propaganda politike e të tjera.
Ky virus më hyri në trup dhe më mori njeriun tim më të dashur, babain tim. Njerëzit mendojnë se është grip normal, por ju siguroj që nuk është kështu.
Të futet në trup, depërton në mushkëri dhe rrugët e kanalit të frymëmarrjes.
Duhet të kuptoni që kjo nuk është lojë. Po e kaloj natën me bombola oksigjeni, nuk flej dot, jeta më është shkatërruar. Uroj që askush të mos e provojë vuajtjen që po kaloj unë, është si film horror”, u shpreh ai.
