Emisioni Open, sonte kaloi në rrjedha te befasishme, kur, teksa drejtuesja Eni Vasili po intervistonte kryeministrin, papritur asaj i erdhi nje mesazh nga kryetari i opozitës, sic tha ajo, dhe e lexoi.
Mesazhi ishte se, a do ta linte Rama postin, e ta merrte detyrën Basha, meqë nuk po menaxhon dot krizën. Ky ishte thelbi.
Ky mesazh, që u kuptua më vonë se ishte i piratuar, ka krijuar debat në studio. Në fillim askush nuk e besoi, se dërguesi i asaj pyetje, mund të ishte pikërisht Basha. Po Vasili insistoi se ishte në vijim të bisedave qe ajo kishte me të atë ditë. Dhe tregoi ekranin e telefonit të saj.
Në këtë e siper, Rama gjeti rastin të bënte ironi e të tallej, edhe pse në fillim, edhe ai tha se sduhej të ishte ashtu. Megjithatë, kryeministri nuk u kursye në komente, mbi një gjë që doli se ishte fake.
Por menjëherë ka ndërhyrë kreu i Opozitës i cili e përgenjështroi, duke i shkruar zonjës Vasili se nuk e kishte dërguar ai një mesazh të tillë. Madje Basha ka dërguar edhe foto të korespondencës me Vasilin, ku mungonte ai tekst, pra që nuk ishte dërguar kurrë.
Në fund të emisionit, moderatorja kërkoi ndjesë, dhe u shpreh e shqetësuar për piratimin e atij komenti që solli devijim të debatit dhe të vemendjes.
