Anulimi i fluturimeve drejt Shqipërisë nga vendet evropiane për shkak të parandalimit të COVID-19, ka lënë në Gjermani, Agron Dukën. Aleati i PD dhe Lulzim Bashës, thotë se ka 4 ditë që ndodhet në Gjermani në pritje për t’u kthyer në Shqipëri, por pa rezultat.
Në një lidhje telefonike me “News 24” ai u shpreh se: Kam nja katër ditë këtu. Nuk është problemi se janë anuluar fluturimet. Avioni nisej në 7:25, u bë chek-ini. Po kompania ka anuluar fluturimin. Jam folur dhe me ambasadorin Kuko, i cili u angazhua dhe me rezulton se nuk ka mbyllje të fluturimeve. Por kjo kompania, që është lwë cost, edhe pse ishte i mbushur ky avion, ka anuluar fluturimin dhe ka mbyllur dhe telefonat. 270 pasagjerë ndodhen këtu. Ishte linjë direkte për Tiranë. Ishte i planifikuar. Ky ishte një nga aeroportet që udhëtonte. Kjo është çudi. Kjo kompani ka mbyllur telefonin dhe nuk mund të kontaktojë njeri. Ky ngërç e ka krijuar kompania.
Sakaq, një foto e JOQ tregon kryetarin e Partisë Agrare Ambientaliste duke pritur në aeroport për t’u nisur me fokusin tek telefoni.
