KLP miraton 4 kandidatë për dy vende në SPAK (EMRAT)

FOTO ILUSTRUESE

Këshilli i Lartë i Prokurorisë ka miratuar katër pretendentë në garën për anëtarë të Prokurorisë së Posaçme Anti Korrupsion (SPAK).

Bëhet fjalë për prokurorët Dritan Prençin, Vladimir Marën, Sotir Kllapin dhe Dorina Bejkon.

KLP do ta vazhdojë punën me vlerësimin e tyre deri në pikëzim duke përzgjedhur dy anëtarët e tjerë që do jenë pjesë e SPAK.

Kujtojmë se prokurorët Prençi e Mara janë aktualisht të komanduar në Prokurorinë e Posaçme me një afat 1-vjeçar.

LEXO EDHE  COVID-19 bën bashkë përfaqësuesit e feve në Shqipëri, japin mesazhin e fortë (VIDEO)

Ndërkohë kandidati Sotir Kllapi është drejtues i Prokurorisë së Pogradecit dhe ka kaluar vetingun me vendim të formës së prerë.

Prokurorja Dorina Bejko, e ushtron detyrën në Prokurorinë e Pogradecit dhe ka shprehur edhe më herët interes për të qenë pjesë e SPAK.