Instituti i Shëndetit Publik (ISHP) publikoi disa këshilla që duhet të ndjekin personat që punojnë në tregjet e hapura për të mbrojtur veten dhe të dashurit e tyre nga COVID-19
Sipas ISHP-së, punonjësit në tregjet e hapura duhet të veshin përparëse mbrojtëse, të vendosin doreza, të mbrojnë fytyrën gjatë kontaktit me produktet shtazore.
Gjithashtu thekson ISHP, çdo ditë pas pune, punonjësit në tregjet e hapura duhet të heqin përparësen mbrojtëse dhe të pastrojnë ambientin e punës.
Një këshillë tjetër që nënvizon ISHP, është shmangia e kontaktit me personat e tjerë të familjes kur jeni ende të veshur me rrobat dhe këpucët e punës.
ISHP, për këto këshilla, mbështetet në udhëzimet me bazë shkencore publikuar nga OBSH-ja, duke përfshirë këtu parandalimin e infeksioneve dhe kontrollin e sëmundjeve respiratore akute në kujdesin shëndetësor, që mund të shkaktojnë epidemi apo pandemi.
