Dje u aplikua në Seattle vaksina kundër koronavirusit, ndërsa ajo do të konsiderohet eksperimentale, derisa të shhet se si do të veprojë te personat që pranuan të vaksinoheshin.
Të vaksinuarit u shprehën se morën këtë vendim sepse donin të bënin më shumë për të luftuar sëmundjen sesa të lanin duart dhe të punojnë nga shtëpia.
Tre prej pjesëmarrësve të studimit folën të hënën pas injeksioneve të para, ndërsa thanë se shpimet nuk ishin më të dhimbshme sesa një vaksinë e zakonshme e gripit të sezonit.
Disa do të marrin doza më të larta se të tjerët për të provuar se sa e fortë duhet të jetë doza.
Ata do të kontrollohen për efektet anësore dhe do të testohet gjaku i tyre për të përcaktuar nëse vaksina po forcon sistemin e tyre imunitar.
Vullnetarët thanë që ata nuk po vepronin me shpresën për të mbrojtur veten. Ata e kuptojnë se roli i tyre është një pjesë e vogël e asaj që mund të jetë një gjueti 18-mujore për një goditje të suksesshme ndaj virusit që mund të shpërndahej gjerësisht.
