“Ju lutem, qëndroni në shtëpi! Respektoni rregullat dhe këshillat, veçanërisht ato të higjenës personale dhe distancimin social”.
Është ky mesazhi që mjeku i njohur Tritan Kalo ka dhënë gjatë natës për qytetarët shqiptarë, ndërkohë që zyrtarisht numri i të prekurve nga koronavirusi Covid 19 ka shkuar në 51 persona, të paktën deri në mesditën e djeshme.
Kalo u shpreh se mospërhapja e Covid 19 është fitorja e parë në luftën me armmikun e padukshëm, ndërsa kërkoi ndihmën e qytetarëve për respektimin e rregullave, ndërsa stafet mjekësore po i japin ndihmën e parë pacientëve të prekur.
