Loredana ka ndarë me ndjekësit e saj disa postime në Instagram ku nuk dukej në gjendje të mirë shëndetësore. Vetë reperja u ka treguar fansave se e ka zërin e bllokuar dhe prej kollës nuk ndihet mirë.
Më tej, Loredana ka treguar se pas këtyre simptomave të gripit ka dashur që ta bëjë testin për coronavirus mirëpo i kanë thënë se nuk ka nevojë dhe mjekët i kanë sugjeruar regjimin e shtratit si gjënë e duhur.
“Jam shtrirë në shtrat me ethe, dhimbje të fytit dhe mushkërive dhe pi çaj” – tregon Loredana.
Për të sqaruar nëse simptomat e saj janë rezultat i infektimit nga koronavirusi, siç thotë ajo, në të vërtetë do të donte të testohej.
“Unë i kontaktova, por ata thanë që nuk mund të bënin një provë. Përparësi u jepet njerëzve që janë mbi 65 vjeç”- tregon më tej ajo.
Ata i kanë thënë reperes në telefon që të qëndronte në shtëpi për siguri.
Kujtojmë që turi i koncerteve të repers është anuluar pikërisht për shkak të masave për frenimin e përhapjes së coronavirusit dhe qëndrimi në shtëpi pa dyshim do jetë më i lehtë për këtë arsye.
