Familja mbretërore në Britaninë e Madhe, ka vendosur që ta largojë nga Londra Mbretëreshën Elisabeth II, për shkak të situatës së krijuar nga koronavirusi atje.
Mbretëresha do të largohet për në kështjellën Windsor, për të qëndruar atje deri në përmirsimin e situatës.
”Disa takime në Pallatin Buckingham këtë javë, përfshirë audiencën e mbretëreshës me kryeministrin Boris Johnson, do të zhvillohen ashtu siç ishin planifikuar”, tha pallati mbretëror në një deklaratë.
“Madhëria e saj do të transferohet në kështjellën Ëindsor për periudhën e Pashkëve, të enjten më 19 mars, një javë më parë se sa ishte planifikuar”, tha pallati më tej në deklaratën e tij.
