Kryeministri grek, Kyriakos Mitsotakis, deklaroi se për të ndihmuar bizneset dhe qytetarët, do të investohen 2 miliardë euro në vend.
“Jemi në luftë me një armik të padukshëm, por jo të pamposhtur. Prioritet për ne të shpëtojmë jetë, të zhvendosur paketa 2 miliardë euro për aktivitete prodhuese që kanë ulje të xhiros për shkak të situatës”, kështu është shprehur kryeministri grek Kyriakos Mitsotakis.
Ai ndër të tjera tha se bizneset nuk duhet të bëjnë asnjë pushim nga puna. Ndër të tjera, kryeministri grek ka pohuar se dymujori i ardhshëm është shumë kritik dhe ka theksuar se mbi të gjitha sot duhet të kemi përgjegjësi personale.
“Greqia do të dalë më e fortë nga kjo situatë”, theksoi ai.
