Bashkia e Tiranës ka vendosur që të shtyjë gjer më 17 maj afatin e aplikimit për kreditë e buta. Në lidhje telefonike për News 24, kryebashkiaku Veliaj beri me dije se një nga vendimet që do tē miratohen nga këshilli bashkiak do të jetë dhe ajo për ti dhëne kohe qytetarëve qe të aplikojnë pasi të kalojë dhe kjo situatë emergjence prej koronaviruesit.
“Aplikimin për kreditë e buta kemi vendosur që ta shtyjmë me dy muaj, pra nga 17 marsi do të jetë 17 maji dita e fundit e aplikimit për kreditë e buta. Dhe sigurisht nëse kriza do të vazhdojë, ne do të duhet ta moderojmë edhe atë vendim; pra askush nuk ka nevojë të ngutet apo të vijë në Bashki, kjo është diçka që pret. Ajo që nuk pret është higjiena dhe menaxhimi i kësaj krize. Ne kemi interes t’i japim, jo t’i mbajmë kreditë e buta. Kështu që për sa kohë që bashkia e ka paguar interesin, ne duam që sa më shumë familje të reja të përfitojnë nga ky proces”, deklaroi ai.
