I pyetur nga moderatorja e emisionit Open, Basha deklaroi se qeveria është e vonuar në marrjen e masave.
Kemi më shumë se një muaj që kërkojmë marrjen e shumë masave, por rëndësi ka të merren. Dhe t’i paraprihet krizës. Kjo ka qenë thirrja ime prej fillimit. Kjo është një krizë që duhet t’i dalim para, jo ta ndjekim pas.
Pyetje: Ju jeni dakord për masat drastike?
Lulzim Basha: Ajo që nuk jam dakord është ku ka paqartësi. Kam qenë në kontakt gjatë këtyre ditëve me shumë prej operatorëve ekonomikë dhe shoqatave që përfaqësojnë call center dhe fasonët. Ata janë të tmerruar, pasi afërsia fizike ku ata punojnë mund të jetë jashtëzakonisht e rrezikshme.
Ajo që dua të them është se ne kemi nevojë për pak pozitivitet dhe këtu le ta shohim gotën gjysëm plot. Janë marrë disa nga propozimet tona. Me vonesë, por janë adoptuar.
1.Një nga prindërit që do të qendrojë në shtëpi, do të paguhet.
2.U pranua nga Banka e Shqipërisë vendimi për të pezulluar këstet e kredive për tre muaj.
3.U pranua propozimi ynë për punonjësit që nuk paguhen dot nga bizneset. Të ketë një fond të veçantë të paguhet dhe askush të mos mbetet pa një minimum të ardhurash në këtë kohë të vështirë.
4.Po kështu, nëse rezulton i vërtetë, edhe anullimi i koncesionit të check up, siç ka dalë në media, është një masë në vijën e propozimeve tona.
Rëndësi ka, që siç po thuhet, po dëgjohet zëri i opozitës. Zëri i opozitës është zëri i qytetarëve, nuk km i asnjë axhendë politike, aq më pak elektorale. Sot axhenda e vetme e imja, e PD dhe e opozitës është siguria e qytetarëve, shëndeti i tyre, mirëqenia e qytetarëve. Këtu besoj se po japim atë që qytetarët kërkojnë. Është roli i opozitës edhe të kërkojë transparencën, edhe të kërkojë llogari, por edhe të jetë alternativë propozuese. Po e bëjmë këtë. Nuk ka vend për nervozitet. Nuk po e bëjmë për sfidë ndaj qeverisë. E bëjmë ër përgjegjshmëri . Nuk kemi asnjë xhelozi, Përkundrazi po e nxisim qeverinë që të ecë.
