Noizy, në fillim të vitit 2017, përzuri Encën nga grupi “OTR”, pasi këngëtarja nuk e falenderoi në një prej intervistave të saj.
“Por të gjithë e dinë se kush të bëri, të gjithë e dinë kush ishe kur ishe vetëm dhe të gjithë e dinë se kush u bëre kur u bashkove me OTR, kështu që atë self- made shko thuaja dikujt tjetër jo neve, nuk është turp të thuash që më ka ndihmuar grupi, sepse don s’don ti jemi grupi ma i suksesshëm në Shqiptari, ishe a nuk ishe ti asgje nuk do ndryshojë.” – shkruajti Noizy në një postim në Instagram.
Marrëdhënia mes dy reperëve u prish dhe herë pas here, ata thumbonin njëri-tjetrin në intervista apo në rrjete sociale, duke lënë të kuptohet se s’kishin ndërmend t’i rregullonin sërish marrëdhëniet. Madje, Noizy ende i hedh thumba Encës në koncertet e tij, siç i ka thënë së fundmi edhe një ndjekës këngëtares.
“E ke dëgjuar Noizyn në koncert që këndon ‘Na vjen Enca nga mbrapa’?”- i shkruan ndjekësi.
“Po, i mungoj”– shkruan Enca, bashkëngjitur me emojin e një zemre të thyer dhe kjo duket qartësisht se është një thumb nga ana e këngëtares,
Mbetet të presim nëse do të kemi një reagim nga ana e reperit.
