Lacio po përjeton një sezon fantastik në Serinë A, ku momentalisht është një nga favoritët për të fituar kampionatin.
Për të ruajtur këtë vazhdimësi impresionuese, drejtori sportiv i kryeqytetasve, Igli Tare, nuk po punon vetëm për rinovimet por edhe për merkaton.
Përveç zgjatjeve të marrëveshjeve me Lulic, Luis Alberton, Luiz Felipen dhe Parolon, shqiptari i bardhekaltërve ka vendosur në radarët e merkatos Marash Kumbullën.
Mbrojtësi i kombëtares shqiptare vlerësohet rreth 25 milionë euro nga Verona, një shifër e përballueshme për një klub si Lazio që duhet të mposhtë edhe konkurrencën e Interit e Napolit për kuqeziun.
