Koronavirusi vdekjeprurës pësoi mutacion dhe arriti të shmangë karantinën e vendosur në Wuhan të Kinës. Sipas Daily Mail, në këtë përfundim kanë dalë shkencëtarët kinezë.
Një variacion i dytë i koronavirusit nisi të shfaqte pak ose aspak simptoma në fazat e para. Kjo do të thotë se njerëzit mund të liroheshin nga karantina dhe në këtë mënyrë infektuan të tjerët.
Ky studim vjen në kohën kur epiqendra e krizës së koronavirusit është zhvendosur nga Azia për në Europë.
Autoritetet kineze vendosën që të izolojnë tërësisht popullsinë prej 11 milionë banorësh të qytetit Wuhan që më 23 janar.
Por specialistët thonë se pacientët që u testuan për virusin më vonë kishin simptoma shumë më të buta. Ata kishin 50 përqind më pak temperaturë, 70 përqind më pak ndjenjë lodhjeje dhe një rënie prej 80 përqind në dhimbjen e muskujve.
Shkencëtarët druhen se do të ketë sërish mutacione te virusi, tashmë që ka arritur fazën e pandemisë.
