Bartosz Bereszynski e ka konfirmuar në llogarinë e tij në Instagram se është infektuar me koronavirus, duke u bërë kështu lojtari i 7-të i Sampdorias i infektuar dhe i 11-ti gjithsej në Serie A.
Edhe bashkëlojtari i tij Fabio Depaoli e konfirmoi po të njëjtën gjë sot në Instagram.
Ai është lojtari i dytë që konfirmohet ditën e sotme pas Fabio Depaolit. Lojtari ka njoftuar ndjekësit në Instagramin e tij.
“Fatkeqësisht kam dalë pozitiv me COVID-19. Ndihem mirë. Pavarësisht se kam ndjekur këshillat, sërish nuk kam arritur të shmang virusin, prandaj ju kërkoj që të tregoheni të kujdesshëm dhe të qëndroni në shtëpi”, – shkruan ai.
