Koronavirusi ka bërë që Shqipëria të izolohet. Përhapja e koronavirusit ka goditur edhe industrinë e muzikës, pasi artistët u detyruan t’i anulojnë koncertet.
Në këtë situatë, ata po shfrytëzojnë rrjetet sociale, për të dhënë këshilla nga më të ndryshmet se si të mbrohemi nga infektimi me koronavirus. Disa prej tyre, kanë ndarë imazhe nga momentet që po kalojnë bashkë me familjarët e tyre dhe dërgojnë mesazhe sensibilizuese.
Shumë prej VIP-ave janë drejtuar në këndin e kuzhinës dhe po përgatisin ushqime të ndryshme. Mes trye është edhe Enca Haxhia, e cila ka përgatitur krepa, ndërsa Poni përgatiti një tortë dhe tregoi përbërësit.
Bes Kallaku kishte publikur fotografi, nga tryeza e bukës, ku u shfaq edhe me një gotë raki, duke thënë se po e përdor për dezinfektim.
Noizy dhe Kastro Zizo kanë publikuar video nga e gjithë procedura e përgatitjes së specialiteteve të tyre. Por, edhe shumë emra të njohur siç janë Juliana Pasha, Xhesika Berberi dhe Roza Lati, sollën pamje duke përgatitur ushqim.
Shqipëria deri tani numëron 33 raste me Koronavirus dhe 1 të vdekur, ndëra në Kosovë janë identifikuar 3 raste pozitive me Koronavirus.
