Një futbollist i skuadrës Troyes nga Liga e Dytë e Futbollit në Francë (Ligue 2) ka rezultuar pozitiv me koronavirusin e ri (COVID-19).
Klubi francez tha në një deklaratë se dy persona në Troyes, një futbollist dhe një person nga akademia, kanë rezultuar pozitiv me virusin dhe po mbahen në karantinë, pa dhënë emrat e tyre.
Ndërkohë, media franceze shkroi se bëhet fjalë për koreanojugorin Hyun-Jun.
Kampionati francez është pezulluar për shkak të koronavirusit.
