Ndeshja mes Brighton dhe Arsenal e programuar për tu zhvilluar ditën e nesërme është anuluar.
Vendimi është marrë pasi mbrëmjen e djeshme, tekniku i “Topçinjve”, Mikel Arteta ka rezultuar pozitiv me virusin COVID-19. Lajmin e bëri të ditur klubi londinez, ndërsa i gjithë ekipi dhe stafi i Arsenalit, aktualisht është duke marrë masat e nevojshme për njohjen më të plotë të situatës në klub.
Gjithsesi sipas mediave angleze, Premier Ligë, do të dalë sot me një vendim zyrtar për pezullimin e të gjithë kampionatit, siç kanë bërë në Spanjë, Itali, Portugali por edhe përtej oqeanit ku në Amerikë, NBA dhe kampionati i futbollit, MLS, janë shtyrë për një muaj.
