Një ekzo-planet, ku bie shi hekur dhe ka një temperaturë prej 2400 gardësh celsius, është zbuluar nga astronomët 640 vite dritë larg Tokës.
Ai u zbulua nga kërkues të universitetit të Gjenevës në Zvicër.
Planeti i quajtur WASP-76b ëshë një gjigant prej gazi me një masë dy herë më të madhe se Jupiteri.
Një anë e tij është gjithmonë përballë yllit të tij dhe në këtë mënyrë bëhet aq i nxehtë sa avullon metalin, duke ndarë molekulat e tij në atome.
Atomet më pas avullojnë në atmosferë dhe transportohen në anën ‘me natë’ të planetit nga erëra të forta që shkaktohen nga temperaturat e larta të planetit.
Profesor David Ehrenreich, një astronom në universitetin e Gjenevës, tha: “Mund të thuhet se në planeti bie shi çdo natë, me përjashtim të faktit që nga qielli bie hekur.”
WASP-76b është një planet ekstremesh. Në të ka diferenca mes pjesës ‘në ditë’ të planetit, e cila ka gjithmonë përballë yllin dhe kap vlerat 2400 gradë celsius, dhe pjesës ‘në natë’, 900 gradë celsius.
