Futbollisti Italian Manolo Gabbiadini ka dalë pozitiv në testin për Koronavirus, pasi shfaqi disa simptoma të ngjashme me gripin. Lajmin e ka bërë publik vetë sulmuesi italian i Sampdorias pasi kishte bërë analizat e nevojshme.
Katër ditë më parë, të dielën më 8 mars, Gabbiadini ishte titullar në fitoren e Sampdorias 2-1 ndaj Hellas Veronës, ku luajnë edhe dy futbollistë shqiptarë. Është fjala për futbollistët Marash Kumbulla dhe Amir Rrahmani, të cilët janë vetëizoluar pas përballjes me sulmuesin e infektuar.
Amiri ka bërë një postim në Instastory, ku shfaqet duke parë një ndjeshje nga televizori dhe duke u shprehur se i mungon ta dëgjojë live zhurmën e saj.
Futbollisti, së fundmi është përfolur shumë në media për një lidhje me aktoren Anna Lika. Ishte “iconstyle.al” që konfirmoi romancën mes dyshes që ka pak kohë që ka nisur.
Lidhja u konfirmua pasi në rrjetet e tyre sociale ata publikonin foto ku shfaqeshin në të njëjtin vend dhe të fundit e kishin nga Franca.
