Ditën e djeshme u konfirmua se një basketbollist i Real Madrid, kishte rezultuar pozitiv me virusin COVID-19.
Pas këtij lajmi, sulmuesi serb i Real Madrid, Luka Joviç, ka vendosur të kryejë menjëherë testet për të parë nëse është infektuar apo jo nga COVID-19.
Arsyeja është se 22 vjeçari, duke folur për mediat serbe, ka treguar se në kohën e dëmtimit, ka kryer fazë rehabilitimi në pishinë, njëjtë si basketbollisti i Realit, Trei Tompkins, i cili ka dalë pozitiv.
“Jam larë në të njëjtën pishinë. Që nga koha që kam qenë i dëmtuar dhe nuk stërvitesha, më është dashur të rehabilitohem dhe të kurohem në grup njësoj si Tompkinsi. Por, nuk kam asnjë simptomë me koronavirus. Po presim vendimin e klubit”, bën me dije sulmuesi serb Joviç.
