Tashmë është zyrtare, edhe basketbolli amerikan është prekur nga coronavirusi.
Basketbollisti francez, Rudy Gobert, i cili militon në radhët e Utah Jazz në NBA, ka dalë pozitiv pas kontrolleve që iu nënshtrua e gjithë skuadra.
Gjithçka u bë e ditur vetëm pak orë përpara fillimit të ndeshjes që Utah do të luante mbrëmjen e djeshme kundër Oklahoma Thunders, ndërkohë që njerëzit kishin nisur të mbushnin shkallët e stadiumit. Jo vetëm Gubert, por edhe skuadra e Oklahomas që do të përballej me Utah Jazz, është izoluar për 2 javë të ardhshme.
Kjo situatë ka bërë që NBA të pezullojë përfundimisht sezonin e rregullt, për një kohë të pacaktuar.
