Koronavirusi ka paralizuar të gjitha ndeshjet në futboll, ndërsa Seria A dhe La liga janë pezulluar për së paku 2 javë.
Shumë është folur mbi mundësinë e anulimit të kompeticioneve evropiane për klube dhe kombëtare si Liga e Kampioneve, Europa League dhe Euro 2020.
Për t’iu përgjigjur këtyre pyetjeve, UEFA ka dalë me një njoftim zyrtar ditën e sotme, ku thuhet se ditën e martë, datë 17 mars, do të ketë një takim ku do të flitet pikërisht për gjendjen, mbi mundësinë e shtyrjes se ndeshjeve Europiane, por edhe të EURO 2020.
Ndeshjet e planifikuara për sot do të zhvillohen dhe të martën do të vendoset përfundimisht.
