Ministri i Brendshëm Sandër Lleshaj në njëvideo të publikuar në FB lidhur me kontrollet e Policisë dhe Ushtrisë për kufizimin e lëvizjes së qytetarëve ka thënë se angazhimi do të thellohet.
Veç punonjësve të shëndetësisë, ushtrisë dhe policisë që kanë barrën kryesore Lleshaj i kërkon qytetarëve të tjerë të qëndrojnë në shtëpi dhe të bashkëpunojnë.
STATUSI I SANDËR LLESHAJT
Situata përballohet kur secili bën pjesën e tij. Ndërkohë që punonjësit e shëndetësisë, të policisë, ushtarakët e të tjerë duhet të mbajnë barrën kryesore, të tjerët duhet të bëjnë një gjë më të thjeshtë, por po aq të rëndësishme: të qëndrojnë në shtëpi.
Policia, e mbështetur nga ushtria, vijon kontrollin e gjerë për kufizimin e lëvizjeve në të gjithë vendin.
Orët dhe ditët në vijim janë vendimtare për frenimin e përhapjes së virusit në vend. Ndaj ky angazhim do të njohë thellim të mëtejshëm, me bindjen se qytetarët do të bashkëpunojnë dhe mbështesin strukturat e vijës së parë.
