Paris Saint-Germain, mbrëmjen e djeshme, arriti të fitojë 2-0 në shtëpi kundër Borussias së Dortmundit.
Me këtë rezultat, francezët, arritën të përmbysnin humbjen 2-1 në ndeshjen e parë, duke u kualifikuar kështu në fazën çerekfinale të Ligës së Kampioneve.
Gjithsesi gjatë ndeshjes pati shumë ngacmime, me Neymar që shënoi golin e parë dhe festoi siç bën zakonisht Erling Haaland duke medituar, gjest që e kopjoi më pas e gjithë skuadra e PSG-së.
Por më të rënda ishin fjalët e Di Marias dhe Mauro Icardit, ku argjentinasi u dëgjua të thoshte: “Duhet t’u shënojmë gjashtë, shtatë… sa gola të mundemi. Shkojmë t’i poshtërojmë, shkojmë t’i poshtërojmë këta bij kur**sh”, ishin fjalët e Di Maria.
Të njëjtin veprim ka bërë edhe Mauro Icardi, i cili në fund të ndeshjes u thotë shokëve të tij: “Tani lërini ata bij kur**sh të festojnë”.
