Një infermiere në Bari ka denoncuar dy gra, një që ishte lehonë dhe të ëmën, të cilat ishin të dyja me koronavirus. Gruaja dhe nëna e saj mbajtën të fshehtë origjinë e tyre, nga Parma, “zona e kuqe”, duke e ekspozuar punonjësen e shëndetit në rrezikun e infektimit.
Infermierja dhe familja e saj tani janë në karantinë. Infermierja tha se kishte qenë dy ditë në kontakt me gruan lehonë, pa e ditur që po vinte nga Parma.
Sipas ankesës, pacientja e cila ishte shtatzënë në momentin e takimit, kishte mbërritur në spital në orët e para të mëngjesit të 7 marsit, ndërsa infermierja ishte në detyrë. Ajo ishte nën shoqërinë e nënës së saj, gjithashtu një punonjëse e së njëjtës klinike, si biologe.
