Futbollisti italian Manolo Gabbiadini ka rezultuar se është i infektuar me koronavirus.
Mirëpo katër ditë më parë, të dielën më 8 mars, Gabbiadini ishte titullar në fitoren e Sampdorias 2-1 ndaj Hellas Veronës, ku luajnë edhe dy futbollistë shqiptarë.
Bëhet fjalë për futbollistët Marash Kumbulla dhe Amir Rrahmani, të cilët janë vetëizoluar pas përballjes me sulmuesin e infektuar.
Raportohet se Verona i ka dërguar futbollistët në karantinë për dy javë dhe ka njoftuar se klubi do të marrë hapa për të përgatitur të gjitha procedurat e nevojshme.
Kujtojmë se numri i viktimave nga koronavirusi është rritur ndjeshëm në Itali, duke shkuar në 1016.
Gjatë konferencës për shtyp të bërë nga Ministria e Shëndetësisë u tha që janë 189 viktima më shumë se dje.
