Mbrëmjen e sotme luhen ndeshjet e para të fazës së 1/16-ve të Europa League. Pas dy ndeshjeve të pezulluara, mes Sevilla-Roma dhe Inter-Getafe, në program për ditën e sotme janë gjashtë ndeshje.
Në fushë zbret Manchester United të cilët do të luajnë në transfertën austriake, kundër LASK. Duke qenë si një nga pretendentët për fitimin e trofeut, “Djajtë e Kuq” sigurisht janë të avantazhuar edhe në këtë ndeshje. Kjo ndeshje luhet në orën 18:55.
Dy takime të tjerë në po të njëjtën orë janë ato mes, Basaksehir dhe Copenhagen dhe Eintracht Frankfurt-Basel.
Në mbrëmje, me dyer të mbyllura, Olympiacos pret Wolverhampton. Sonte mund të luajë edhe një shqiptar, sulmuesi Florian Kamberi. Rangers ka një sfidë të vështirë kundër Bayer Leverkusen, ndërsa Wolfsburg-Shakhtar Donetsk pritet me interes.
