Wolvehampton janë të gatshëm të shpenzojnë plot 80 milionë euro për të sjellë lojtarin e Real Madrid-it, James Rodriguez në stadiumin “Molineux”.
Përfaqësuesi i kombëtares kolumbiane, është i harruar në pankinën e Realit të Madridit dhe ka marrë sinjale të qarta që nuk preferohet nga trajneri Zidane. Tani, sipas “The Sun”, ekipi anglez, Wolves, tashmë ka kontaktuar me super agjentin Jorge Mendes për të pyetur në lidhje me çmimin e James.
Ujqit janë të gatshëm të shesin yllin Raul Jimenez për të lehtësuar lëvizjen e mundshme të yllit kolumbian. Interesim për transferimin e Rodriguez kanë shprehur edhe Arsenali dhe Everton-i.
Wolves aktualisht zë vendin e gjashtë në Premier Ligë, pesë pikë më pak se vendi që dërgon në Ligën e Kampionëve.
