Një banesë u përfshi nga flakët mëngjesin e sotëm në zonën e 9 katësheve në Tiranë.
Raportohet se dy zjarrfikëse kanë mundur të venë nën kontroll flakët.
Mësohet se në banesë jetonte vetëm një 60-vjeçar dhe një fëmijë. Nga të dhënat e para shkak për rënien e zjarrit është bërë një bombul gazi.
Policia dhe zjarrfikëset u njoftuan nga banorë të zonës.
Njoftimi i policisë
Më datë 11.03.2020, rreth orës 07:05, në rrugën e “Dibres” në kryqëzim me rrugën e “Barrikadave”, ka rënë zjarr në banesën 1-katëshe të shtetasit K.A, ku ishte një fëmijë brenda, i cili u nxor në menyrë të menjehershme nga punonjësit e Komisariatit Nr.4, dhe ndodhet në gjendje të mirë shendetsore.
Në vendngjarje gjithashtu ndodhen forcat zjarrfikëse, ku u bë e mundur dhe fikja e zjarrit. Nga zjarri nuk ka pasoja në njerëz, vetëm deme materiale.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
