Andrea Pirlo do të rikthehet te Juventusi sezonin e ardhshëm, si trajner i skuadrës U-23.
Regjizori legjendar i futbollit, u tërhoq nga sporti në vitin 2017, pas një periudhe të shkurtër në MLS me skuadrën e New York City-t.
Lajmin e bën të ditur “La Stampa”, ku “profesori” ka arritur akord me Juventus-in për të drejtuar ekipin U-23, që merr pjesë në Serie C, pra kategoria e tretë italiane, duke ndjekur kështu modelin e Barcelona B dhe Real Madrid Castilla.
Fituesi i Kupës së Botës në vitin 2006, luajti për katër sezone me Juventus-in nga viti 2011 deri në 2015, teksa fitoi katër herë radhazi Serinë A dhe luajti në finale e Ligës së Kampioneve në vitin 2015, të cilën Juve e humbi ndaj Barcelonës.
