Ndeshja mes Man.City-t dhe Arsenalit e vlefshme për Premier Ligën, e programuar për tu luajtur mbrëmjen e sotme, është shtyrë për një datë tjetër ende të pa caktuar, për shkak të Coronavirusit.
Vendimi është dhënë ditën e sotme nga Federata Angleze, teksa në orët e ardhshme do të përcaktohet edhe data kur do të luhet ndeshja.
Shkak për këtë është bërë pasi disa lojtarë të “Topçinjve” nuk janë të disponueshëm, duke u vetë-izoluar pas kontaktit që kanë pasur disa ditë më parë me presidentin e Olimpiakosit në ndeshjen e Ligës së Europës.
Presidenti i klubit grek, Evagelos Marinakis, ka rezultuar pozitiv në analizat për Koronavirusi, teksa vetëm pak ditë më parë ai ka takuar edhe disa nga lojtarët e Arsenalit, në ndeshjen e këtyre të fundit me Olimpiakosin.
Pikërisht frika se ndonjë lojtar i Arsenalit mund ta ketë marrë virusin nga presidenti i klubit grek, ka sjellë panik dhe federata ka marrë vendimin që ndeshja e sotme të shtyhet.
