Trajneri i Atletiko Madrid, Diego Simeone, ka folur për mediat në prag të ndeshjes së kthimit në Champions League kundër Liverpool-it. Skuadra e tij vjen në këtë ndeshje me avantazhin e një goli pas ndeshjes së parë.
Në konferencën për shtyp, Simeone u shpreh se do të surprizojë kundërshtarët dhe se një nga cilësitë më të mira të Atleticos është mbrojtja dhe aftësia për të ruajtur rezultatin. Ndeshja në Angli pritet të jetë tepër e nxehtë, por mesa duket tekniku i Atletiko Madrid ka zgjedhur të luajë pak me mendimet e kundërshtarit.
“Një nga cilësitë tona më të mira është mbrojtja. Nëse unë do t’ju tregoj planet e mia për lojën nuk do të kishte logjik. Por dua të them se do të kemi surpriza. Mendoj se Liverpool e di sesi do të luajmë pas 8 vjetësh që jemi ne Champions. Ne do të bëjmë lojën tonë dhe do tentojmë të ruajmë rezultatin. Disa persona thonë se ne do të kualifikohemi kjo mbetet një ëndërr e këndshme”, është shprehur Simeone për mediat.
Liverpool-Atletiko Madrid do të luhet mbrëmjen e sotme në orën 21:00.
