Man.United nënshkroi me Daniel James gjatë merkatos së verës, për shumën e 15 milionë eurove nga skuadra e Swansea.
Në sezonin e parë te “Djajtë e Kuq”, 22 vjeçari po tregon potencial të madh, aq sa klubi anglez ka vendosur ti përmirësojë kushtet financiare.
Sipas “The Sun”, mesfushori i avancuar aktualisht përfiton rreth 35 mijë paundë në javë, ndërsa kësaj shume do t’i shtohen edhe 50 mijë paundë të tjerë, tregues ky i besimit të madh që ka klubi për lojtarin.
Falë edhe dëmtimeve të shumta, James ka qenë rregullisht pjesë e formacionit të Solskjaer, por që duhet thënë se uellsiani e ka justifikuar mjaft mirë me performancat në fushën e lojës, i cili përvec golave dhe asisteve është mjaft i vështirë për tu markuar nga kundërshtarët.
