Qendra Inovative ‘Queen Maria Bio Enterprises’ në Londër kërkon 24 vullnetarë që do të infektohen me koronavirusin e ri, ndërsa do të paguhen me 3500 paund ose 4000 euro.
Vullnetarëve do t’u injektohet një formë e dobët e koronavirusit, që ata të kenë simptomat e COVID-19. Pacientët do të mbahen në karantinë për dy javë, në mënyrë që shkencëtarët të shohin nëse po funksionin vaksina.
Ata duhet të ndjekin një dietë specifike dhe nuk duhet të bëjnë asnjë lloj aktiviteti fizik. Në fund të dy javëve atyre do t’u bëhet një vaksinë e krijuar nga laboratori Hvivo.
Më pas ata do të qëndrojnë sërish në izolim dhe do të mbikëqyrin nga ‘European Pharmaceutical Manufacturer’. Deri tani kanë aplikuar më shumë se 30 vullnetarë, të cilët nuk do të mund të kenë kontakt me asnjë person për dy javë.
