Gara më e madhe futbollistike, Liga e Kampioneve rikthehet sonte. Në program janë dy ndeshje, ku edhe pritet të mësohen dy çerekfinalistët e parë.
Nga katër ekipet pretendente, më së shumti gjasa për kualifikim kanë italianët e Atalantës, skuadër kjo që në duelin e parë e ka mundur Valencian 4-1. Ky duel luhet pa përkrahjen e tifozëve, për shkak se UEFA ka marrë vendim që ai takim të luhet pa praninë e tifozëve.
Në anën tjetër, Tottenhami i Mourinhos i shkon Leipzig-ut. Gjermanët fituan në Londër me rezultat 0-1 dhe kanë përparësi tejet të madhe, megjithatë mbetet të shihet sesi do të rrjedhin gjërat në të dy takimet e sotme.
Ndeshjet luhen në orën 21:00.
