Dy prej vajzave të Angelina Jolie i janë nënshtruar operacioneve. Aktorja e famshme zbuloi lajmin në një letër të publikuar nga ‘Time’ në Ditën Ndërkombëtare të Grave.
“Kam kaluar dy muajt e fundit mes operacioneve. Të parin të vajzës sime të madhe dhe disa ditë më parë edhe operacionin e motrës së saj të vogël për një problem me kockat,”- shkroi Angelina.
Jolie dhe ish-bashkëshorti i saj Brad Pitt janë prindër të gjashtë fëmijëve, 18-vjeçarit Maddox, 16-vjeçarit Pax, 15-vjeçares Zahara, 13-vjeçares, Shiloh si edhe binjakëve 11-vjeçarë Vivienne dhe Knox.
Aktivistja tha se vajzat e saj e inkurajuan atë të shkruante letrën, me titullin “Pse vajzat meritojnë dashuri dhe respekt në ditën ndërkombëtare të grave”, pavarësisht se ajo tregohet shumë private për sa i përket fëmijëve të saj.
“Ato e kuptojnë se sfida dhe lufta për të mbijetuar e për tu shëruar është diçka për të cilën krenohemi,”- shpjegoi ajo.
Jolie tregoi se dy djemtë e saj ishin shumë mbështetës ndaj motrave të tyre.
“Çiltërsia dhe instikti i vajzave të vogla për të edukuar e ndihmuar të tjerët duhet të vlerësohet dhe jo të abuzohet me këtë fakt. Ne duhet të bëjmë shumë më tepër për t’i mbrojtur ato, në të gjitha shoqëritë: jo vetëm kundër mënyrave ekstreme që shkelin të drejtat e vajzave, por edhe ndaj padrejtësive që aq shpesh kalojnë pa u vënë re,”– shkroi Angelina.
Ajo kërkoi që vajzat të respektohen dhe të tregohet kujdes ndaj tyre.
“Sa më të forta të rriten aq më të shëndetshme do të jenë,”- përfundoi aktorja.
