Pas numri i të infektuarëve shkoi në 10 persona, shefi i Urgjencës Mjekësore, Skënder Brataj në një deklaratë për mediat bëri thirrje qytetarëve se duhet që të qëndrojnë në shtëpi, pasi rrezikon që të përhapet koronavirusi.
Brataj iu bëri apel qytetarëve që t’i marrin seriozisht masat.
“Jemi në kushtet e fillimit të epidemia. Ka sëmundshmëri. Kemi dhe të panjohurën e këtij virusi. Ajo që dua të them është se është trefishuar numri i thirrjeve. 80% e njerëzve që infektohen nuk shfaqin simptoma. Në këtë sezon kemi pasur gjithmonë gripin. Jemi në të njëjtat kushte në këtë moment. Ka një shpërndarje të shpejtë.
Gjithsescili të rri në shtëpi të vet. Duhet të jemi të ndërgjeshëm. E ndaloi Kina. I morën masa. Nuk ka rrugë tjetër nuk është vetëm forca dhe ligji. Duhet të izolojmë kontaktet. Edhe unë nuk e di nëse jam apo jo i infektuar. E pamë dhe në Itali që një nga politikanët ishte i infektuar. Është betejë që duke ndjekur rregullat mund ta fitojmë. Të gjitha statistikat e kanë sjellë që 95% për qind shërohen. Duhet thjeshtë bashkëpunim. Jo në spital sepse po të shkosh, mund ta merrni nëpërmjet kontaktit. Ju lutem. Kemi dhe sëmundje të tjera. Është e njëjta gjë. Duhet të merrni parasysh këshillat”, tha Brataj.
