Chelsea ka arritur të sigurojë shërbimet e talentit finlandez, Jimi Tauriainen.
16-vjeçari është djali i përfaqësuesit të Kombëtares finlandeze, Pasi Taurianen, dhe ka qenë në radarin e shumë klubeve të mëdha europiane duke përfshirë këtu, Juventusi-n dhe Interi-n.
Të dy gjigandët italianë i kishin ofruar anësorit një ftesë për tu stërvitur me klubet e tyre, por përfundimisht këtë garë e fitoi trajneri i Chelsea-t, Frank Lampard i cili bindi lojtarin të firmoste me “Blutë”.
Për sa i përket cilësive të lojtarit, Jimi Tauriainen, vlerësohet për dinamizmin, teknikën dhe aftësinë për të konkretizuar aksionet në gol.
