Në spitalin e Kremonës (Itali) ka gra dhe burra që e kanë kaluar natën në shërbim të pacientëve të infektuar me koronavirus.
Në vazhdën e tyre është edhe infermieria që po shihni në foto, e rropatur dhe e sfilitur, me kokë të mbështetur në skrivani të repartit të urgjencës, pas turnit të natës.
Ajo është fotografuar në orët e para të mëngjesit nga një mjek, i cili e sheh rastësisht. Rrëmben celularin në njërin xhep të përparëses dhe e ruan këtë imazh si për t’i thënë “Faleminderit”, për mundin dhe punën e bërë.
Sakaq, fotografia nuk ka vonuar të bëhet virale. Risjellim në vëmendje se në provincën e Kremonës raportohen 665 të infektuar me koronavirus, duke u rritur në ditë 103.
