Situatë e vështirë në Berat si pasojë e reshjeve me intensitet të lartë që nisën gjatë orëve të pasdites dhe vazhdojnë të bjenë ende. Situata më problematike paraqitet në akset rrugore: “Spital-Uznovë”,“Kthesa e Gjykatës”,“Stadiumi i Vjetër”, “Çelepias”, Tregu Industrial” etj,ku uji që ka vërshuar në rrugë.
Tregu Industrial dhe Stadiumi i Vjetër prej disa orësh janë në ujë ashtu si dhe shumë lagje të qytetit. Kjo situatë në Berat përsëritet sa herë që ka reshje intensive shiu dhe shkak për këtë mendohet të jetë bllokimi i tubacioneve të ujërave të larta,të cilat kanë bërë që i gjithë uji të dalë në rrugët e qytetit dhe në çdo lagje. Reshjet e shiut por edhe prurjet e mëdha nga përrenjtë kanë sjellë edhe rritjen e prurjeve të lumit Osum,kuotat e të cilit sa vijnë dhe rriten.Sipas raportimeve,në rrugë kanë dalë shërbimet zjarrfikëse dhe punonjësit e shërbimit të bashkisë,të cilët po zhbllokojnë pusetat e bllokuara nga prurjet dhe janë në gatishmëri për çdo situatë të mundshme që mund të krijohej.
