Antonio Martiniello, një arbitër 31 vjeçar nga Potenza Picena në Itali, është përplasur për vdekje nga një tren afër banesës së tij.
Pak javë më parë ai ishte përjashtuar nga futbolli për një vit, për sjellje antisportive pasi goditi me kokë një lojtar gjatë ndeshjes mes Borgo Mogliano dhe Montottone.
Gjithashtu ai ishte në arrest shtëpie pasi akuzohej për përndjekje. Policia po shkonte në shtëpinë e tij për ta arrestuar për herë të dytë pasi kishte shkelur masën e arrestit të shtëpisë.
Por Martiniello arriti të largohej nga ballkoni i shtëpisë dhe u drejtua me vrap drejt shinave të trenit ku dhe u përplas.
